«Жамбыл облысы еріктілер қозғалысы» қоғамдық қоры және Ш.Мұртаза атындағы Халықаралық Тараз инновациялық институтының волонтерлері «BIRGEMIZ: QAMQOR» жалпыұлттық жобасы аясында, «Marxabat.kz» қорының қолдауымен «Қарттарға қуаныш сыйла» акциясын өткізді. Іс-шара Жамбыл облысындағы №1 арнайы әлеуметтік қызметтер ұсыну орталығында ұйымдастырылып, онда қарттарға арналған мәдени кеш өткізілді.
Бұл кеште волонтерлер қарттарға арнап ән айтып, би билеп, түрлі қызықты бағдарламалар ұсынды. Мақсаты — орталықтағы қарттарға мейірім мен қуаныш сыйлап, олардың көңілін көтеру болды. Іс-шараға волонтерлер белсенді атсалысып, үлкендерге қолдау көрсету, көңіл бөліп, қамқорлық таныту сынды игі істер атқарды.
Осындай акциялар қоғамның әлеуметтік әлсіз топтарына қолдау көрсетуге, жастарды қамқорлық пен мейірімділікке тәрбиелеуге бағытталған. «Жамбыл облысы еріктілер қозғалысы» ҚҚ келешекте де игі бастамаларды жалғастыруды көздеп отыр.
Жамбыл облысының еріктілері алдағы уақытта да қоғамға пайдалы іс-шараларға қатысуды мақсат етеді.