Жалпы ережелер
«2025 жылғы белсенді ҮЕҰ» конкурсының (бұдан әрі – конкурс) Қазақстан Республикасының «Коммерциялық емес ұйымдар туралы» Заңын, ауылдық ұйымдардың іс-шаралары мен жобалары және облыс көлеміндегі Қазақстанның әлеуметтік-экономикалық дамуына үлес қосқан ҮЕҰ қызметі насихаттау мақсатында өткізіледі.
Байқаудың ұйымдастырушысы: “Жамбыл облысы Азаматтық Альянсы” заңды тұлғалар бірлестігі.
I. Конкурс мақсаты мен міндеті
1.1. Конкурстың мақсаты – өңірдегі үкіметтік емес ұйымдардың (ҮЕҰ) әлеуметтік, мәдени, экономикалық және қоғамдық салалардағы белсенділігін арттыру, үздік тәжірибелерді тарату.
1.2. Міндеттері:
ҮЕҰ-дың әлеуметтік жобаларға қатысуын ынталандыру;
Үздік жобаларды анықтау және марапаттау;
Қоғамдық белсенділікті арттыру.
ІІ.Конкурс талаптары мен шарттары
2.1. Конкурсқа Тараз қаласында тіркелген және қызметін жүзеге асыратын ҮЕҰ қатыса алады;
2.2. Қатысушылардың конкурстық өтінім берер алдындағы қызмет өтілі кемінде 6 ай болуы тиіc;
2.3. Конкурс жеңімпаздарын комиссиясы анықтайды. Комиссияда тақ саны болуы қажет;
2.4. Мемлекеттік органдар, саяси партиялар және олардың құрылымдық бөлімшелері қатыса алмайды;
2.5. Конкурс жабық форматта өткізіледі.
III. Өтінім беру тәртібі
Конкурсқа қатысу үшін ҮЕҰ төмендегі құжаттарды электронды немесе қағаз түрінде өткізеді:
Өтінім (қосымшада берілген нысан бойынша);
ҮЕҰ-ның заңды тұлға ретінде тіркелгенін растайтын құжат көшірмесі;
БАҚ-та, әлеуметтік желілерде жарияланған материалдардың көшірмелері (болған жағдайда);
2025 жылдың 1 қаңтар мен 1 қыркүйек аралығында ұйыммен өткізілген іс-шараларының тізбесі.
IV. Конкурс номинациялары
«Әлеуметтік бастама көшбасшысы»;
«Жастарды қолдаушы ҮЕҰ»;
«Еріктілер қозғалысының үздігі».
V. Бағалау өлшемшарттары
Қоғамдық маңыздылығы – әр іс-шара 1 балл;
Әлеуметтік әсері – әр іс-шара 1 балл;
Қамтылған бенефициарлар саны – әр бенефициар 1 балл;
Ақпараттық жариялылық – әр жарияланым 1 баллмен бағаланады.
VI. Қорытынды
Конкурс жеңімпаздарына жалпы номинациялар бойынша жүлделер мен сыйлықтар тағайындалады. Әр номинация бойынша жеңімпаздар марапаттау рәсімінде жарияланады.